Sjóðfélagar sem greitt hafa til samtryggingardeildar hjá Birtu lífeyrissjóði geta sótt um húsnæðislán hjá sjóðnum, að uppfylltum ákveðnum skilyrðum.
Aukning var í afgreiddum sjóðfélagalánum milli ára en veitt voru 512 sjóðfélagalán á árinu 2024 samanborið við 315 lán árið áður.
Fjárhæðir í milljónum kr.
Fjárhæðir í milljónum kr.
| 15.843 | 8.364 | 6.655 |
Í árslok 2024 voru lán til sjóðfélaga um 67,2 milljarðar króna en voru 60,3 milljarðar árið áður. Þetta eru um 9,7% af heildareignum sjóðsins og er hlutfallið óbreytt milli ára.
fjárhæðir í milljónum króna
Vanskilahlutfall sjóðfélagalána lækkar aðeins á milli ára og var um 0,021% samanborið við 0,028% árið áður.
Uppgreiðslur sjóðfélagalána stóðu nánast í stað á milli ára en greidd voru upp 455 lán að fjárhæð 6,93 milljarðar króna samanborið við 422 lán að fjárhæð 6,89 milljarðar árið áður.
Með lánareiknivél á heimasíðu sjóðsins er hægt að kynna sér hvaða tegund lána hentar best
Hámarks veðsetningarhlutfall er 65% af fasteignamati eða kaupverði í fasteignaviðskiptum nema þegar um fyrstu kaup sjóðfélaga er að ræða en þá er veðhlutfallið 75%.
Hægt er að velja milli þriggja lánategunda:
Með lánareiknivél á heimasíðu sjóðsins er hægt að kynna sér hvaða tegund lána og samsetning hentar best. Allar lánategundir eru í boði með jöfnum greiðslum eða jöfnum afborgunum og lánstíminn getur verið á bilinu 5 – 40 ár.
Lánsrétt hafa sjóðfélagar sem uppfylla að lágmarki eitt eftirfarandi skilyrða:
Á árinu 2024
Hámarkslánsfjárhæð sjóðfélagalána voru 65 milljónir króna á árinu 2024, hámarksveðhlutfall er 65% af fasteignamati eða kaupverði ef um fasteignaviðskipti er að ræða en allt að 75% ef um fyrstu kaup er að ræða.
Breytilegir verðtryggðir vextir sjóðfélagalána lækkuðu á fyrri helmingi ársins úr 3,29% í 3,08% en hækkuðu svo aftur í október í 3,15%. Óverðtryggðu vextirnir voru óbreyttir þar til í byrjun nóvember en Seðlabankinn lækkaði meginvexti sína í október 2024. Óverðtryggðu vextirnir fóru þá úr 10,35% í 10,10% og lækkuðu svo aftur í desember í 9,60%. Breytilegu verðtryggðu vextirnir fylgja þróun vaxta á verðtryggðum ríkisskuldabréfum og óverðtryggðu vextirnir fylgja meginvöxtum Seðlabanka Íslands.
Lánstími lána er 5 – 40 ár, lágmarksfjárhæð er kr. 1 millj. kr. og var að hámarki kr. 65 millj. kr. og hægt er að velja milli jafnra afborgana eða jafnra greiðsla af lánunum.
Sjóðfélagar sækja um lán með rafrænum skilríkjum á heimasíðu Birtu, fá rafrænt greiðslumat og afla sjálfir nær allra gagna sem nauðsynleg eru
Miklar framfarir hafa átt sér stað í tengslum við afgreiðslu sjóðfélagalána á undanförnum árum og hefur það sparað mikinn tíma og fyrirhöfn bæði fyrir sjóðfélaga og starfsmenn. Nær allar umsóknir um lán og skilmálabreytingar koma inn með rafrænum hætti en enn þarf að undirrita á pappír veðskuldabréf og skilmálabreytingar lánanna en það þarf að þinglýsa þessum skjölum á pappír hjá Sýslumanni.
Birta hefur unnið að því undanfarin misseri að hefja rafrænar þinglýsingar á veðskuldabréfum, skilmálabreytingum og veðflutningum lána.
Ávinningur rafrænna þinglýsinga er mjög mikill bæði fyrir lántaka og lánveitendur en biðtími styttist til muna, ekki þarf að ferðast með pappírsskjöl á milli aðila og handvirkt vinnuframlag minnkar.
Verkefni um rafrænar þinglýsingar hjá Sýslumannsembættunum hefur verið í gangi frá árinu 2019 og staðan er þannig að nú er mögulegt að þinglýsa nær öllum tegundum veðskuldabréfa og skilmálabreytinga sem tengjast þeim rafrænt. Lánveitendur þurfa að aðlaga sín kerfi þannig að hægt sé að tengjast rafrænu þinglýsingakerfi embættanna og er þeirri vinnu að mestu leyti lokið hjá Birtu. Stjórnarfrumvarp til laga um rafrænar skuldaviðurkenningar hefur verið lagt fram en hefur ekki enn tekið gildi.
Þann 1. júlí 2017 tóku gildi lög um stuðning til kaupa á fyrstu íbúð en þau heimila rétthöfum að verja uppsöfnuðu iðgjaldi séreignar til kaupa á fyrstu íbúð og jafnframt að ráðstafa séreignariðgjaldi inn á höfuðstól láns sem tryggt er með veði í fyrstu íbúð, upp að ákveðnu hámarki yfir tíu ára samfellt tímabil. Almenn heimild til að nýta séreignasparnað vegna kaupa á íbúðarhúsnæði til eigin nota eða til ráðstöfunar upp í höfuðstól láns sem tekið var vegna kaupanna var framlengd til ársloka 2025.